Mein ALLERliebster hot Pistazien ausn Irak greg, a gonze Dose voll und wos lieg donn näher, als schnell no in de wormen Toge a Eis zu mochen.
Hon togelong durchs Internet gsuacht, um es perfekte Rezept zu finden, hon ob nichts wirklich Inspirirendes gfundn. Also entschlossn a poor Rezepte zu mischen:
90 g Pistazien
200 ml Milch
1 Eigelb
80 g Zucker
150 ml Sahne
Hon die gscheltn Pistazien im Rehrl gröstet, so ca. 5min, net zu long, weil sem schmeckn sie verbrennt und es konn donn nimmer Pistazieneis hoasn. Donn okiahln lossn, net erschreckn, man heart richtig wia die Haut knistert, wenn sie sich löst. Die restliche Haut so weits holt geaht entfernen. Die Pistazien frullieren, mixen bis sich a cremige Masse bildet, des konn schun so 5min dauern. Donn die Milch eintian.
Es Eigelb mitn Zucker schaumig riahrn, nimm do olm meine liebste Kitchenaid, derweil die Sahne schlogn, und de unter die Zuckermasse heben. Donoch no die Pistaziencreme unterriahrn und olles in die Eismaschine gebn. Wortn bis es cremig werd und donn geniesen!! In Rest hon i in so kloane bunte Plastiktegelen mit Deckeln getun, damit i no a poor Tog versorg bin.
Meins isch a bisl wassrig gwordn, obr mog a viel liaber cremiges Eis, tat es nächste Mol a wia mehr Sahne eini.
I hoff, es schmeckt enk.
Siggi
